As entidades que operan como Autoridades de Certificación emiten diferentes tipos de certificados electrónicos para empresas. A “Política de Certificación” da Autoridaddescribe as características de cada tipo de certificado e os usos para os que están destinados.

Sen pretender ser exhaustivos, a seguir, enuméranse algúns dos tipos de certificados recoñecidos polo Regulamento eIDAS UE 910/2014:

• Certificado de firma: Orientado á sinatura de persoas físicas. A firma implica a garantía de orixe e integridade dos datos asinados, así como a conformidade/consentimento cos estes datos e obriga legal respecto do contido. É equivalente ao certificado de sinatura de persoa física da lei 59/2003.
• Certificado de selo: Orientado ao selo de persoas xurídicas. É parcialmente similar ao certificado de persoa xurídica da Lei 59/2003, coas diferenzas:
  • Non levan unha persoa custodio/responsable do certificado.
  • Oriéntase ao selo (garantía de orixe e integridade dos datos).
  • Ademais de autenticar o documento expedido pola persoa xurídica, os selos electrónicos poden utilizarse para autenticar calquera activo dixital da persoa xurídica, por exemplo, programas informáticos ou servidores (Considerando 65 do Regulamento eIDAS).
  • Cando unha transacción esixa un selo electrónico cualificado dunha persoa xurídica, debe ser igualmente aceptable unha firma electrónica cualificada do representante autorizado da persoa xurídica. (Considerando 58 do Regulamento eIDAS). Non á inversa.
• Certificado de autenticación web: Orientado a vincular o sitio web coa persoa física ou xurídica titular do certificado.
• Certificado non cualificado: Pode estar orientado tanto a persoas físicas, como xurídicas, compoñentes, SSL. Para persoa física non se contempla o seu uso xa que non está recollido na lexislación vixente (Lei 39/2015), ao non achegar as mesmas garantías que os certificados cualificados, como por exemplo estar sometidos a unha supervisión máis lixeira, os requisitos de verificación da identidade da persoa a quen se expide o certificado, ou proporcionar o estado de validez ou revogación de forma automatizada, fiable, gratuíta e eficiente. etc.

Dentro do definido no regulamento, poden definirse outros tipos segundo o ámbito que abarquen e sabendo que sempre serán algún dos anteriores, como, por exemplo:

• O certificado de pertenza a empresa é un certificado de persoa xurídica que, ademais da identidade do titular, acredita a súa vinculación coa entidade para a que traballa, en virtude do cargo que ocupa na mesma. Os certificados persoais achegan a vantaxe de conter información engadida sobre a empresa á que pertence a persoa. Poder solicitar a propia persoa física titular do certificado sempre que estea autorizado por un representante da entidade ou ben, a propia empresa a favor dos seus empregados. Usos:
  • Asinar todo tipo de documentos, garantindo a identidade do emisor, o non repudio de orixe, a integridade e confidencialidade do contido.
  • Asegurar a autenticación do seu titular nun control de acceso.
• O certificado de representante, ademais da pertenza a empresa, acredita tamén os poderes de representación que o titular ten sobre a mesma. É dicir, o titular do certificado identifícase non só como persoa física pertencente a unha empresa, senón como administrador da mesma. Con este certificado pódense realizar trámites para bonificacións por accións de formación, Axencia Estatal Tributaria, etc.
• O certificado de Factura Electrónica é un certificado recoñecido de persoa física con poderes de representación dunha organización unicamente para asinar Facturas Electrónicas.
• Existen moitos outros tipos en función do ámbito que abarcan.