Aplicacións de firma

As aplicacións de Firma son os programas que permiten asinar un documento electrónico.

• Existen algúns programas de uso cotián, por exemplo, Adobe Acrobat ou Microsoft Word, que permiten asinar o mesmo documento que se xera. Con todo, este tipo de firma ten dous inconvenientes:
  • Non todos os programas que xeran documentos son capaces tamén de asinalos.
  • En xeral, o destinatario do documento asinado deberá ter a mesma aplicación para ser capaz de verificar a firma.
• As ferramentas ou aplicacións específicas de firma electrónica son capaces de asinar calquera tipo de documento electrónico e axudan a superar os inconvenientes anteriores. Ademais pódense descargar gratuitamente.

A aplicación AutoFirma, ofrecida pola Administración Pública, axudarache a asinar documentos.

Autofirma é unha aplicación de firma realizada polo Ministerio de Facenda e Administracións Públicas. O seu principal obxectivo é ofrecer ao usuario un sistema de firma no que este poida asinar calquera tipo de documento de maneira sinxela. O usuario indica que ficheiro quere asinar e a aplicación escolle automaticamente o formato de firma que debe aplicar, liberando así, ao usuario de calquera dúbida técnica.

VALIDe (Aplicación de Validación de firma e certificados En liña de @firma) é a plataforma de validación que a Administración Xeral do Estado pon a disposición das Administracións e dos cidadáns para a validación de certificados e, ademais, ofrece os seguintes servizos:

• Validación de firmas electrónicas
• Xeración de firmas electrónicas en múltiples formatos
• Visualización de firmas coa axuda do Visor