Aplicacións de firma

As aplicacións de Firma son os programas que permiten asinar un documento electrónico.

Existen algúns programas de uso cotián, por exemplo, Adobe Acrobat ou Microsoft Word, que permiten asinar o mesmo documento que se xera. Con todo, este tipo de firma ten dous inconvenientes:

• Non todos os programas que xeran documentos son capaces tamén de asinalos.
• En xeral, o destinatario do documento asinado deberá ter a mesma aplicación para ser capaz de verificar a firma.

As ferramentas ou aplicacións específicas de firma electrónica son capaces de asinar calquera tipo de documento electrónico e axudan a superar os inconvenientes anteriores. Ademais pódense descargar gratuitamente.

A seguir podes atopar a aplicación AutoFirma, ofrecida pola Administración Pública, que che axudará a asinar documentos.

Autofirma é unha aplicación de firma realizada polo Ministerio de Facenda e Administracións Públicas. O seu principal obxectivo é ofrecer ao usuario un sistema de firma no que este poida asinar calquera tipo de documento de maneira sinxela. O usuario indica que ficheiro quere asinar e a aplicación escolle automaticamente o formato de firma que debe aplicar, liberando así, ao usuario de calquera dúbida técnica.