Sinadura aplikazioak dokumentu elektroniko bat sinatzeko aukera ematen duten programak dira.

Badira egunero erabiltzen diren programa batzuk, adibidez, Adobe Acrobat edo Microsoft Word, sortzen den dokumentu bera sinatzeko aukera ematen dutenak. Hala ere, sinadura mota horrek bi eragozpen ditu:

• Dokumentuak sortzen dituzten programa guztiak ez dira gai horiek sinatzeko.
• Oro har, sinatutako dokumentuaren hartzaileak aplikazio bera izan behar du sinadura egiaztatzeko.

Sinadura elektronikoko tresna edo aplikazio espezifikoak edozein dokumentu elektroniko sinatzeko gai dira, eta aurreko eragozpenak gainditzen laguntzen dute. Gainera, doan deskarga daitezke.

Ondoren, Administrazio Publikoak eskaintzen duen AutoFirma aplikazioa duzu, dokumentuak sinatzen lagunduko dizuna.

Ogasun eta Herri Administrazio Ministerioak egindako sinadura-aplikazio bat da Autofirma. Helburu nagusia da erabiltzaileari sinadura sistema bat eskaintzea, edozein dokumentu modu errazean sina dezan. Erabiltzaileak zein fitxategi sinatu nahi duen adierazten du, etaaplikazioak automatikoki hautatzen du zer aplikatu behar duen sinadura-formatuak, erabiltzaileak zalantza teknikorik izan ez dezan.